Irakaskuntzako prestakuntza eta garapen profesionala, eskola-eraginkortasunaren mailaren arabera

Lana Euskal Autonomia Erkidegoko eskola-hobekuntzaren ikerketa-ildoan kokatzen da. Ikastetxe horiek emaitza desberdinak dituzte ebaluazio diagnostikoko probetan islatzen diren lorpenetan, eta praktika transferigarriak azaltzeko aztertzen dira. Irakasleen prestakuntzan jarri da arreta, kontuan hartuta eskolek, ikasten duten erakunde bihurtuta, emaitza positiboak ematen dituztela, ez bakarrik ikasleen emaitzetan, baita irakasleen prestakuntzan ere. Metodologiak hiru fase ditu: lehenengoan, maila anitzeko erregresio-teknika estatistikoekin 44 zentro identifikatu dira, lorpenetan aldaketak izan dituztenak; bigarrenean, 39 zuzendaritza-talderi egin zaizkie elkarrizketak, 35 ikuskaritza-arduradunekin, eta 10 eztabaida-talde egin dira irakasleekin. Azkenik, informazioa galdetegi batekin osatu da. Emaitzek erakusten dutenez, irakaskuntzako lanbide-prestakuntza eta -garapena garrantzitsua da ikastetxe guztietan, eta inbertsio garrantzitsua dago hori bultzatzeko. Hala ere, eraginkortasuna handiagoa denean, prestakuntzak premia kolektiboari erantzun behar diola uste da, motibazio pertsonalari baino gehiago, eta, ondorioz, helburu komunak partekatzen dituen baterako proiektu baten plangintzan eragiten du horrek. Baliabide-hornikuntzan dauden premien aniztasuna onartzea eta kolektibo kalteberenak identifikatzea erakundeen babesarekin eta hezkuntza-politikekin lotzen dira. Lanak berretsi egiten du oinarrizko baldintza batzuk eduki behar direla (taldearen egonkortasuna, administrazio-babesa, plangintza eta kudeaketa), ikastetxe bat ikasten duen erakunde bihurtzea sustatzen duten dinamikak hazkunde profesionala ahalbidetuko duen eta ikasleen emaitzak optimizatzen lagunduko duen errealitatea izan daitezen.

Informazio gehiagorako:

Azpillaga, B., Bartau, I., Aierbe, A., Intxausti, N. (2021). Formación y desarrollo profesional docente en función del grado de eficacia escolar. Revista de Educación, 393,155-179.

• DOI: http://doi.org/10.4438/1988-592X-RE-2021-393-489
• HANDLE: http://hdl.handle.net/10810/75136